सर्लाही, मंसिर १७ – तराइको नगदे बालीको रुपमा रहेको उखुको यस क्रसिङ्ग सिजनका लागि अझै मूल्य निर्धारण हुन सकेको छैन । मंसिरको अन्तिम साताबाट उखु क्रसिङ्ग सुरु हुने भएपनि मुल्य निर्धारण नभएपछि सर्लाहीका उखु किसान चिन्तित भएका हुन । बिगतका बर्ष जस्तै यस वर्ष पनि मुल्य निर्धारणका लागि काठमाडौमा त्रिपक्षिय बार्ता गरिए पनि बिना निष्कर्ष टुगींएको छ ।उखुको लागि तस्बिर परिणाम

बार्ताका लागी आउदो २७ गते फेरि बैठक बोलाईएको नेपाल उखु उत्पादक महासघका राष्ट्रिय अध्क्षय कपिलमुनी मैनालीले जानकारी दिनुभयो । खेतमा रहेको उखु बेचेर हिउँदे बाली लगाउन तयार परेका किसानहरु समयमा नै उखुको मुल्य निर्धारण नभएपछि थप चिन्तित बनेका हुन ।

यस बर्षको क्रसिङग सिजनका लागि उखुको मुल्य ५ सय ६२ रुपैयाँ कायम हुनु पर्ने अध्क्षय मैनालीले बताउनुभयो।उखु उत्पादनमा किसानको लागत बर्षै्नि बढिरहेकाले पोहोर भन्दा कम मुल्य स्वीकार्य नहुने अध्यक्ष मैनालीको भनाइ छ ।

उद्योगीले भने यसपालि अन्तर्रा्ष्ट्रिय बजारमा नै चिनीको मुल्य दैनिक रुपमा घटेकाले पोहोरको मुल्य प्रति क्विन्टल ५३१ रुपैयाँमा उखु खरिद गर्न नसकिने अडान राखेको छ । किसानको माग अनुसारको मुल्य ५६२ रुपैया पाउन सरकारले चिनीको भन्सार महसुल १५ प्रतिशतबाट बढाएर ४० प्रतिशत कायम गर्नु पर्ने उद्योगीहरुको माग छ ।

It's only fair to share...Share on FacebookShare on Google+Tweet about this on TwitterShare on LinkedIn

Leave a Reply

Your email address will not be published. Required fields are marked *

*